Toshkentni chang bo‘roni qopladi: aholidan niqob taqib, ko‘chalarni tark etish so‘raldi
Kuchli shamol daraxtlarni ham qulata boshladi.
17-may kuni Toshkentni kuchli chang bo‘roni qopladi. Hokimlik aholiga murojaat qildi.
Shaharliklar ulkan chang devorini atigi bir necha daqiqada payqashdi: kuchli shamol poytaxtga chang olib kirdi.
Toshkent hokimligi chang bo‘roni fonida aholiga murojaat bilan chiqdi.
Avtotransport vositalarini daraxtlar ostida qoldirmasligingizni, o‘zingizni, yaqinlaringizni va yo‘l harakatining boshqa ishtirokchilarini ehtiyot qilishingizni so‘raymiz.
Favqulodda vaziyatlar yuzaga kelganda 1050 va 1055, (71) 212-69-80, (71) 212-69-82 raqamlariga qo‘ng‘iroq qilish mumkin, deyiladi xabarda.
O‘zgidromet poytaxt aholisi va mehmonlaridan ochiq havoda kamroq bo‘lishni va ko‘chaga chiqqanda niqob taqishni so‘radi.
Chang bo‘ronlari Buxoro, Navoiy va Qarshi shaharlarini ham qamrab oldi, u yerda PM 10 konsentratsiyasi me’yordan deyarli ikki baravar, PM 2,5 esa 4-5 baravar yuqori bo‘ldi.
Izohlar