Toshkentda umumiy uzunligi 18 km boʻlgan 7 ta koʻchada avtobus yoʻlaklari joriy etiladi.

“Toshshahartransxizmat” AJ xabariga koʻra, hozirda 53 km uzunlikdagi avtobus yoʻlaklari mavjud.

Yangi yoʻlaklar tashkil etilishi natijasida koʻrsatilayotgan xizmatlar sifati yaxshilanadi, yoʻlovchilar vaqti tejaladi hamda jamoat transporti jozibadorligi oshiriladi.

Avtobuslar uchun ajratilgan alohida yoʻlaklar joriy etilishi natijasida mazkur koʻcha boʻylab harakatlanuvchi avtobuslarning tasarruf tezligi 18 km/soatdan 24 km/soatgacha koʻtarilib, 29 foizga yaxshilandi.

Ushbu yoʻlaklar orqali harakatlanayotgan avtobuslar xizmatidan kunlik foydalanuvchi 600 mingdan ortiq yoʻlovchilarning har kuni 100 ming soat vaqti tejalishiga erishilmoqda.