Toshkent shahrida joylashgan somsaxonada yongʻin yuz berdi. Bu haqda poytaxt FVB axborot xizmati xabar berdi.

Qayd etilishicha, 9-dekabr kuni soat 20:03 da Toshkent shahar FVBga Uchtepa tumani Foziltepa koʻchasida joylashgan somsaxonada, yongʻin sodir boʻlayotgani toʻgʻrisida xabar tushgan.

Shunga koʻra, yongʻin-qutqaruv texnikalari aytilgan manzilga soat 20:07 da yetib borib, alanga soat 20:20 da oʻchirilgan.

Yongʻin oqibatida halok boʻlgan va jabrlanganlar yoʻq. Hozirda yongʻin sababi va keltirilgan moddiy zarar aniqlanmoqda.