Toshkentda YTH tufayli yuzlab xonadonlar gazsiz qoldi

2-oktyabr kuni Toshkentning bir tumanida mutaxassislar gaz sizib chiqishini aniqladi, oqibatda yuzlab uylar gazdan uzildi, deb xabar bermoqda “Hududgaz Poytaxt” axborot xizmati.

Voqea Toshkent shahar Sergeli tumani “Jaloyir” mahallasida sodir bo‘lgan. Yuk mashinasi o‘rtacha bosimli gaz quvuriga zarar yetkazdi. Buning natijasida quvurning shikastlangan qismida gaz sizib chiqishi kuzatilgan. Mutaxassislar ta’mirlash ishlarini boshlab, tumandagi 450 ta xonadondagi gaz ta’minotini vaqtincha o‘chirdi.

Eslatib o‘tamiz, 3-oktyabr kuni Toshkentning Yangihayot tumanidagi ayrim joylarda gaz o‘chiriladi. Gaz ta’minotining uzilishi rejali ta’mirlash ishlari bilan bog‘liq. “Olchazor” mahallasida soat 10:00 dan 18:00 gacha gaz ta’minoti to‘xtatiladi. Keltirilgan noqulayliklar uchun iste’molchilardan uzr so‘raldi.