Toshkentda yangi qurilayotgan binoda yongʻin sodir boʻldi

Hozirda yongʻin sababi va keltirilgan moddiy zarar miqdori aniqlanmoqda.

Toshkent shahrining Yakkasaroy tumani joylashgan yangi qurilayotgan binoda yongʻin sodir boʻldi. Bu haqda poytaxt Favqulodda vaziyatlar boshqarmasi axborot xizmati xabar berdi.

Qayd etilishicha, bugun, 11-fevral kuni soat 15:20 da shahar FVBga Yakkasaroy tumani, Kichik halqa yoʻli koʻchasida joylashgan yangi qurilayotgan bino yertoʻlasida yongʻin yuz berayotgani haqida xabar berilgan.

Shunga koʻra, yongʻin-qutqaruv texnikalari aytilgan manzilga soat 15:28 da yetib borib, yongʻin soat 15:45 da qurshab olingan va soat 16:05 da oʻchirilgan.

Taʼkidlanishicha, hodisa oqibatida halok boʻlgan va jabrlanganlar haqida maʼlumot kelib tushmagan. Hozirda yongʻin sababi va keltirilgan moddiy zarar miqdori aniqlanmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar