Toshkentda Tracker boshqaruvni yo‘qotib, beton simyog‘ochga urildi

YTH oqibatida haydovchiga birinchi tibbiy yordam ko‘rsatilgan.

27 dekabr kuni soat 01:19 da «102» tizimidan tushgan xabarga ko‘ra, shu kuni soat 00:40 larda Uchtepa tumani THAY ko‘chasi O‘rikzor bozori yonidagi ko‘prik ustida YTH sodir bo‘lgan.

Toshkent shahar IIBB Yo‘l harakati xavfsizligi boshqarmasi xabariga ko‘ra, 25 yoshli K.N boshqaruvida bo‘lgan Tracker rusumli avtomobilni katta tezlikda boshqarib ketayotib, rul boshqaruvini yo‘qotgan.

Xabarda aytilishicha, u yo‘l qatnov qismining ikkiga ajratib turuvchi bordyurga chiqib ketib beton simyog‘ochga urilib, YTH sodir etgan.

YTH oqibatida haydovchiga birinchi tibbiy yordam ko‘rsatilgan.

NOVA24 TikTokʼda. Obuna boʻling
Asosiy yangiliklar va qiziqarli videolar