20 Yanvar 2025, 11:55 Oʻzbekiston

Toshkentda to‘xtab turgan Nexia yonib ketdi

Hozirda mazkur hodisa yuzasidan surishtiruv olib borilib, yong‘in yuzaga kelishining sabablariga aniqlik kiritilmoqda.

Toshkentda to‘xtab turgan Nexia yonib ketdi

20-yanvar kuni Toshkent shahrida harakatsiz turgan Nexia rusumli avtomobil yonib ketdi. Bu haqda shahar IIBB YHXB xabar berdi.

Ma’lum qilinishicha, soat 08:10 larda Chilonzor tumani Bunyodkor shoh ko‘chasidagi Singapur menejmentni rivojlantirish instituti avtoturargohida to‘xtab turgan Nexia rusumli transport vositasida yong‘in kelib chiqqan.

Yong‘in tuman FVB xodimlari tomonidan bartaraf etilgan. Yong‘in oqibatida tan jarohati olganlar bo‘lmagan.

Hozirda mazkur hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda.

Mashhur yangiliklar