Toshkentda qariyb 27 mlrd so‘mlik “svet”ni o‘g‘irlagan zavod aniqlandi

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.

Toshkent shahrida 26,9 milliard so‘mlik elektr energiyasidan noqonuniy foydalangan metalni qayta ishlash zavodi fosh etildi. Bu haqda “O‘zenergoinspeksiya” xabar berdi.

Qayd etilishihcha, Yashnobod tumanida joylashgan “K.Y.A.” MChJga qarashli metalni qayta ishlash zavodining elektr hisoblagichiga tashqi ta’sir ko‘rsatilib, elektr energiyasidan noqonuniy foydalanilgani aniqlangan.

Ushbu qoidabuzarlik oqibatida dastlabki hisob-kitoblarga ko‘ra davlat manfaatlariga 26 mlrd 945 mln so‘mlik zarar yetkazilgani ma’lum bo‘lgan.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.

NOVA24 YouTubeʼda. Obuna boʻling
Asosiy yangiliklar va qiziqarli videolar