Toshkentda noma’lum shaxs o‘quvchi qizga hujum qildi — video

Zo‘ravon qizni ta’qib qilib, uni orqadan ushlab, og‘zini berkitgan va yerga yiqitgan.

18-mart kuni ijtimoiy tarmoqlarda bir erkak ko‘chada maktab o‘quvchi qizga hujum qilgani aks etgan video tarqaldi. Vakolatli idoralar hozircha voqea yuzasidan izoh bermasdan turibdi.

Mavjud ma’lumotlarga ko‘ra, hodisa 10-mart kuni taxminan soat 16:20 da Toshkent shahrining Yashnobod tumanida yuz bergan. Videotasvirda noma’lum shaxs maktab o‘quvchisini ta’qib qilib, so‘ng unga hujum qilgani ko‘rinadi. U qizning qo‘lidan tortib, og‘zini yopishga uringan.

Qiz yiqilgach, erkak qochib ketgan. Ehtimol, jinoyatchini qizning qichqirig‘i va paydo bo‘lgan yo‘lovchilar cho‘chitib yuborgan. Vakolatli idoralar hozircha voqea yuzasidan izoh bermagan.

NOVA24 YouTubeʼda. Obuna boʻling
Asosiy yangiliklar va qiziqarli videolar