Toshkentda mushukka beshafqatlik qilgan o‘qituvchi ishdan bo‘shadi
Mushukni maktab derazadan uloqtirgan va o‘limiga sababchi bo‘lgan o‘qituvchi o‘z arizasiga binoan ishdan bo‘shadi.
Toshkent shahri, Uchtepa tumanidagi 62-maktab o‘qituvchisi mushukka beshafqatlik qilgani haqidagi xabarlar Toshkent shahri maktabgacha va maktab ta’limi boshqarmasi tomonidan o‘rganildi.
Qayd qilinishicha, maktab direktori Sh. N. jamoada nazoratni susaytirganligi, o‘z xizmat vazifasiga mas’uliyatsizlik bilan yondashganligi uchun boshqarma boshlig‘i buyrug‘i bilan hayfsan intizomiy jazosiga tortilgan.
Voqeaga daxldor bo‘lgan o‘qituvchi D.X. Ichki ishlar organlari tomonidan Ma’muriy javobgarlik to‘g‘risidagi kodeksining 111-moddasi (Hayvonlarga nisbatan shafqatsiz munosabatda bo‘lish) 1-qismiga asosan javobgarlikka tortilgan va o‘z arizasiga binoan egallab turgan vazifasidan ozod etilgan.
Mushuk bilan bog‘liq hodisa 27 sentabr kuni sodir bo‘lgan. 62-maktabning o‘zbek tili o‘qituvchisi mushukni o‘quvchilari ko‘z o‘ngida ikkinchi qavat derazasidan uloqtirgan, oqibatda jonivor tan jarohatlari olib, nobud bo‘lgan edi.
Мавзуга оид хабарлар:
Savdo doʻkoni qurishga yer ajratib berishni vaʼda qilgan nazoratchi ushlandi Toshkentda o‘zgalarning avtomobillarni olib qochganlar qamaldi Poytaxtda yangi qurilayotgan binoning tomida yong‘in chiqdi IIV Toshkentda kvadroberlar paydo bo‘layotganidan ogohlantirdi Toshkentdagi qurilish maydonida 737 mln so‘mlik “svet”dan noqonuniy foydalanilgani aniqlandi