Toshkent shahar IIBB YHXB Yakkasaroy tumanida sodir boʻlgan yoʻl-transport hodisasi yuzasidan maʻlumot berdi.

Qayd etilishicha, 25-noyabr kuni soat 16:30 larda Yakkasaroy tumani Yusuf Xos Hojib koʻchasidagi “Korzinka” savdo majmuasi qarshisida Cobalt hamda Forthing rusumli transport vositalari harakatlanib ketayotgan vaqtida avtomashinalar ustiga qurigan daraxt shoxi qulab tushgan.

Yoʻl-transport hodisasi oqibatida Cobalt transport vositasining yoʻlovchisiga birinchi tibbiy yordam koʻrsatilgan.

Mazkur holat yuzasidan Toshkent shahar IIBB YHXB masʻul xodimlari tomonidan surishtiruv ishlari olib borilmoqda. “Shu oʻrinda barcha haydovchilardan kuz-qish mavsumida transport vositalarini daraxtlar va qurilish maydonlari yaqinida qoldirmasliklarini soʻrab qolamiz”, — deyiladi xabarda.