Toshkentda elektrobus va ikkita mashina ishtirokida YTH sodir boʻldi

Hodisa oqibatida ikki nafar fuqaro turli tan jarohatlari bilan shifoxonaga olib ketilgan.

Toshkent shahar IIBB YHXB Yunusobod tumanida elektrobus va ikkita yengil mashina ishtirokida YTH sodir boʻldi. Bu haqda poytaxt YXHB xabar berdi.

Qayd etilishicha, 8-dekabr kuni Yunusobod tumani, Bobodehqon koʻchasida 22 yoshli T.R. boshqaruvidagi Tracker-2, 59 yoshli M.A. boshqaruvidagi Matiz hamda haydovchi X.Sh. boshqaruvida boʻlgan Yutong rusumli elektrobus ishtirokida YTH sodir boʻlgan.

Hodisa oqibatida Tracker-2 rusumli avtomashina haydovchisi va bir nafar yoʻlovchisi birinchi tibbiy yordam koʻrsatish maqsadida shifoxonaga olib ketilgan.

Hozirda mazkur holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.

NOVA24 TikTokʼda. Obuna boʻling
Asosiy yangiliklar va qiziqarli videolar