Toshkentda deyarli bir oyga yo‘l yopiladi
Mutaxassislar infratuzilmani rekonstruksiya qilish bilan shug‘ullanadi.
Toshkentda qariyb bir oyga avtomobillar harakati to‘xtatiladi, deya xabar berdi Yashnobod tumani hokimligi matbuot xizmati.
Ma’lumotlarga ko‘ra, Toshkent halqa avtomobil yo‘lining Maxtumquli ko‘chasi bilan kesishmasidagi ko‘prik osti qismida yo‘l infratuzilmasini rekonstruksiya qilish ishlari olib borilayotgani sababli harakat cheklanadi.
Shu munosabat bilan 5-oktyabrdan 1 noyabrga qadar Maxtumquli ko‘chasidagi avtomobil yo‘lining ko‘prik osti qismida transport vositalari harakati vaqtincha cheklanadi. Ishlar 2025-yil 1-noyabrgacha yakunlangach, yo‘l harakati to‘liq tiklanadi.
Avvalroq sun’iy intellekt Toshkentga yo‘l-transport hodisalari va tirbandliklarni kamaytirishga yordam berishi haqida xabar berilgandi. Tiqilinchlar ikki baravar kamayishi kerak.
Izohlar