Toshkentda Cobalt urib ketgan 41 yoshli piyoda vafot etdi

Chilonzor tumanida 27 yoshli haydovchi urib yuborgan 41 yoshli piyoda halok bo‘ldi.

Toshkent shahar Chilonzor tumanida Cobalt urib yuborgan 41 yoshli erkak halok bo‘ldi. Bu haqda YHXB xabar berdi.

Ma’lum qilinishicha, hodisa 8-sentyabr kuni soat 23:00 larda Chilonzor tumani Bunyodkor shohko‘chasida sodir bo‘lgan. 1997-yilda tug‘ilgan (erkak) J.X. Cobalt avtomashinasini boshqarib ketayotib, 1983-yilda tug‘ilgan piyodani urib yuborgan.

YTH oqibatida piyoda olgan tan jarohatlari natijasida voqea joyida vafot etgan. Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar