Toshkentda BYD avtomobili toʻsiqqa urilib, yonib ketdi — video

Haydovchiga tibbiy yordam koʻrsatilib, qutqaruvchilar zudlik bilan yongʻinni oʻchirgan.

4-aprel kuni ijtimoiy tarmoqlarda Toshkentda toʻgʻridan-toʻgʻri yoʻlda BYD avtomobili yonib ketgani haqida xabar tarqaldi. YHXX hodisaga izoh berdi.

Maʼlum boʻlishicha, hodisa 3-aprel kuni soat 23:45 da Yunusobod tumanida sodir boʻlgan. BYD rusumli avtomobil haydovchisi boshqaruvni yoʻqotib, yoʻlni ajratib turuvchi beton toʻsiqqa borib urilgan va oqibatda transport vositasi yonib ketgan.

Haydovchiga tibbiyot xodimlari tomonidan tibbiy yordam koʻrsatildi. Qutqaruvchilar yongʻinni tezda oʻchirishdi. Ish boʻyicha tergov boshlandi. YHXX haydovchilardan eʼtiborliroq boʻlishni va avtomobillarining sozligiga eʼtibor qaratishni soʻradi.

NOVA24 TikTokʼda. Obuna boʻling
Asosiy yangiliklar va qiziqarli videolar