Toshkentda bir oy davomida aholi suv ta’minotida uzilishlar bo‘ladi
Mutaxassislar 2025-yilning kuz-qish mavsumiga tayyorgarlik doirasida yirik suv tarmoqlarida ta’mirlash ishlarini olib boradi.
Toshkentda bir oy davomida poytaxt aholisi suv ta’minotida uzilishlar kuzatiladi, deb xabar bermoqda “Toshkent shahar suv ta’minoti” matbuot xizmati.
2025-yil kuz-qish mavsumiga tayyorgarlik doirasida yirik suv tarmoqlarida rejali profilaktika va ta’mirlash ishlari olib borilishi munosabati bilan iste’molchilarga 9-sentyabrdan 9-oktyabrgacha Toshkent shahrida bosim pasayishi va ichimlik suvi ta’minoti vaqtincha to‘xtatilishi haqida ma’lumot berildi.
O‘chirish joylarining to‘liq ro‘yxati bilan havola orqali tanishish mumkin.
Avvalroq dunyoda har to‘rtinchi odam suvdan foydalanish imkoniyatiga ega emasligi ma’lum qilingandi. Rivojlanmagan mamlakatlar aholisi boshqa mamlakatlar aholisiga nisbatan suv ta’minoti va sanitariya xizmatlaridan foydalanishda ikki baravar ko‘proq qiyinchiliklarga duch kelishadi.
Izohlar