Toshkentda bir kunda jami 12 ta mashina ishtirokida YTH sodir bo‘ldi

7-avgust kuni Shayxontohur tumanida 7 ta, Chilonzor tumanida 5 ta avtomashina ishtirokida YTH yuz berdi.

Toshkent shahar IIBB Yo‘l harakati xavfsizligi boshqarmasi axborot xizmatining maʼlum qilishicha, kecha, 7-avgust kuni soat taxminan 16:54 larda Shayxontohur tumani, Beruniy ko‘chasida 7 ta avtomobil – 2 ta Matiz, 1 ta Nexia-3, Tracker, Onix, Chery, va Isuzu ishtirokida yo‘l-transport hodisasi sodir bo‘lgan.

Chery haydovchisi harakat vaqtida bir yo‘nalishda to‘xtab turgan avtomashinalar bilan to‘qnashuv sodir etgan.

YTH natijasida tan jarohati olganlar yo‘q.

Shuningdek, o‘sha kuni soat 16:30 larda Chilonzor tumani Bunyodkor shoh ko‘chasida 5 ta avtomashina – Matiz, Spark, Cobalt, Kia va BYD ishtirokida yo‘l-transport hodisasi sodir bo‘lgan.

YTH natijasida tan jarohati olganlar yo‘q.

Holatlar bo‘yicha Toshkent shahar IIBB Yo‘l harakati xavfsizligi boshqarmasi masʼul xodimlari tomonidan surishtiruv harakatlari olib borilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar