Toshkentda bayram munosabati bilan yo‘llarning ayrim qismlari vaqtincha yopiladi
Haydovchilardan uzr so‘ralib, yo‘nalishni rejalashtirishda o‘zgarishlarni inobatga olish so‘ralgan.
Toshkentda mustaqillikning 34 yilligi munosabati bilan yo‘llarning bir nechta qismi vaqtincha yopiladi, deb xabar bermoqda IIBB matbuot xizmati.
Ma’lumotlarga ko‘ra, 1-sentyabr kuni soat 17:00 dan 23:00 gacha transport harakati to‘xtatiladi. Xususan, quyidagi yo‘nalishlar bo‘yicha vaqtinchalik cheklovlar joriy etiladi:
- Maxtumquli ko‘chasidan Ohangaron shossesi kesishmasigacha — 4R12;
- Cho‘lpon ko‘chasi bo‘ylab Yangi O‘zbekiston — Milliy bog‘ chorrahasigacha;
- Yangi O‘zbekiston ko‘chasining Temirchi ko‘chasi bilan kesishgan joyigacha.
Poytaxt aholisi va mehmonlaridan keltirilgan noqulayliklar uchun uzr so‘ralib, yo‘nalishlarni rejalashtirishda o‘zgarishlarni hisobga olish tavsiya etildi.
Avvalroq O‘zbekistonning ayrim yo‘llarida 130 km/soatgacha tezlikka ruxsat berilishi mumkinligi xabar qilingandi. Tekshiruvlar va infratuzilma tayyorlangandan so‘ng yakuniy qaror qabul qilinadi.
Izohlar