Toshkentda 19 yoshli haydovchi piyodani urib yubordi

Hodisaga haydovchi belgilangan tezlikni me’yoridan oshirgani sabab bo‘lgan.

Kecha, 15 fevral kuni Toshkent shahrining Yunusobod tumanida 19 yoshli haydovchi piyodani urib yubordi. Bu haqda poytaxt Yo‘l harakati xavfsizligi boshqarmasi xabar berdi.

Qayd etilishicha, YTH Yunusobod tumanining Amir Temur ko‘chasida soat 20:15 da ro‘y bergan. 2005 yilda tug‘ilgan J.I. ismli haydovchi o‘zining Spark rusumli avtomashinasini boshqarib ketayotib, piyodani urib yuborgan. Oqibatda piyoda olgan jarohatlari bilan shifoxonaga olib ketilib, unga birinchi tez tibbiy yordam ko‘rsatilgan.

Aniqlanishicha, haydovchi belgilangan tezlikni me’yoridan oshirgan va tartibga solinmagan piyodalar o‘tish yo‘lagidan o‘tayotgan ayolni urib yuborgan.

NOVA24 TikTokʼda. Obuna boʻling
Asosiy yangiliklar va qiziqarli videolar