Toshkent yaqinida bolalar bogʻchasiga kran oʻqi qulab tushdi

Xayriyatki, fojianing oldi olindi.

Toshkent viloyatida qurilishdan chiqqan koʻtarma kran oʻqi bolalar bogʻchasi tomiga tushib ketdi, deb xabar bermoqda MMTB matbuot xizmati.

Maʼlumotlarga koʻra, voqea 25-mart kuni Yangiyoʻl shahrining “Baxt” mahallasida sodir boʻlgan. Yaqin atrofdagi qurilishda ishlayotgan kran oʻqi 5-bogʻcha tomiga kelib tushdi. Hodisa oqibatida hech kim jabrlanmagan.

Hodisa natijasida binoning tomi jiddiy shikastlangan. Huquq-tartibot idoralarining dastlabki maʼlumotlariga koʻra, hodisaga yomgʻir sabab boʻlgan. Voqea joyiga FVB xodimlari yetib kelib, oʻqni demontaj qilishgan.

Qayd etilishicha, shikastlangan tomni taʼmirlash bilan qurilish tashkiloti shugʻullangan va tiklash ishlarini uch kun ichida yakunlashga vaʼda bergan. Bolalar bogʻchasi faoliyatini vaqtincha toʻxtatdi.

NOVA24 YouTubeʼda. Obuna boʻling
Asosiy yangiliklar va qiziqarli videolar