Toshkent viloyatidagi uylardan birida yirik yongʻin yuz berdi

Hozirda yongʻinning kelib chiqish sababi va zarar miqdori aniqlanmoqda.

Toshkent viloyatidagi uylardan birida yirik yongʻin sodir boʻldi. Viloyat FVB axborot xizmati hodisa yuzasidan maʼlumot berdi.

Bildirilishicha, voqea bugun, 7-fevral kuni soat 16:22 da Yuqori Chirchiq tumani, “Iyk Ota” MFY, Oʻzbekiston koʻchasida joylashgan shaxsiy xonadonlarning birida yuz bergan.

Yongʻin oʻchirish ekipajlari yongʻin joyiga soat 16:29 da etib borib, alanga soat 16:37 da oʻrab olingan, alanga 16:47 da toʻliq oʻchirilgan.

“Yongʻin oqibatida tan jarohati olgan va vafot etgan fuqarolar toʻgʻrisida xabar kelib tushmadi. Hozirda yongʻinning kelib chiqish sababi va zarari aniqlanmoqda”, deyiladi rasmiy xabarda.

NOVA24 Instagramʼda. Obuna boʻling
Asosiy yangiliklar va qiziqarli videolar