Toshkent viloyatidagi ochiq dala maydonida yong‘in sodir bo‘ldi

Yarim tunda Bo‘stonliq tumanidagi ochiq dala maydonida yong‘in yuz berdi.

Toshkent viloyati Bo‘stonliq tumanida ochiq dala maydonida yong‘in sodir bo‘ldi. Bu haqda viloyat FVB xabar berdi.

Ma’lum qilinishicha, 4-sentyabr kuni soat 01:46 da Toshkent viloyati Favqulodda vaziyatlar boshqarmasi Tezkor boshqaruv markaziga Bo‘stonliq tumani “Qoronqul” mahallasi hududida ochiq dala maydonda yong‘in sodir bo‘layotgani haqida xabar kelib tushgan.

Xabarga asosan yong‘in joyiga 2 ta yong‘in-qutqaruv ekipaji hamda 30 nafar qutqaruvchi jalb qilingan. Yong‘in “Qoronqul” MFY hududidagi tuman zaxira yerlarida 2 gektar maydonda yuzaga kelib, natijada ushbu hududdagi quruq o‘t va shox-shabba yongan.

Olib borilgan sa’y harakatlar natijasida yong‘in soat 02:50 da to‘liq bartaraf etilgan. Hodisa oqibatida tan jarohat olgan va halok bo‘lganlar yo‘q.

NOVA24 Telegramʼda. Obuna boʻling
Tezkor xabarlar va asosiy voqealar