Toshkent viloyatida ichimlik suvi ta’minoti va kanalizatsiya xizmatlari narxi oshiriladi
Tijorat tashkilotlari uchun narx 1,6 barobarga oshadi.
Toshkent viloyatida ichimlik suvi ta’minoti va kanalizatsiya xizmatlari narxlari oshiriladi.
Ma’lumotlarga ko‘ra, ko‘tarish 2025-yil 1-iyuldan kuchga kiradi. Xususan, jismoniy shaxslar uchun bir kubometr suv narxi 2000 so‘mdan 2600 so‘mga oshiriladi. Fuqarolar uchun QQSsiz kanalizatsiya xizmatlari narxi ham endi 1300 so‘mni tashkil etadi.
Byudjet va tijorat tashkilotlari uchun ichimlik suvi ta’minoti xizmatlari 1,6 baravarga — bir kub metr suv uchun 9000 so‘mdan 15 000 so‘mgacha oshiriladi. Ular uchun kanalizatsiya xizmatlari uchun to‘lov biroz kamroq ko‘tariladi, u 3000 so‘mni tashkil etadi.
Eslatib o‘tamiz, avvalroq Xorazm viloyatida ham ichimlik suvi va kanalizatsiya xizmatlari narxi oshirilgandi. Hujjatni xalq deputatlari kengashi imzoladi.
Avvalroq minglab o‘zbekistonliklar ilk bor ichimlik suvi bilan ta’minlanishi haqida xabar berilgandi. Prezident suv ta’minoti va kanalizatsiya tizimlarini xususiy mulkdorlarga faolroq o‘tkazish bo‘yicha topshiriq berdi.
Izohlar