Toshkent viloyatida harakatlanayotgan Mazda yonib ketdi

Hozirda holat yuzasidan Yangiyo‘l tumani FVB tomonidan surishtiruv ishlari amalga oshirilmoqda.

Toshkent viloyati Yangiyo‘l tumanida mashina yonib ketdi. Bu haqda viloyat Yo‘l harakati xavfsizligi boshqarmasi xabar berdi.

Qayd etilishicha, kecha, 10 yanvar kuni soat 10:30 larda Yangiyo‘l tumani hududidan o‘tuvchi M-39 “Toshkent-Termiz” xalqaro avtomobil yo‘lining 828 kilometrida harakatlanib ketayotgan 35 yoshli U.S. boshqaruvidagi Mazda-6 rusumli avtomobilning dvigatel va salon qismida yong‘in kelib chiqqan.

Yong‘in oqibatida harakat ishtirokchilarining sog‘lig‘iga ziyon yetmagan, transport vositasi texnik shikastlangan.

Hozirda holat yuzasidan Yangiyo‘l tumani FVB tomonidan surishtiruv ishlari amalga oshirilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar