Toshkent viloyatida 40 ming dollarga 15 sotix yer maydoni olib berishni vaʼda qilgan shaxs ushlandi

Oʻrta Chirchiq tumani hududidan 15 sotix yer maydoni olib berishni vaʼda qilgan shaxs qoʻlga olindi. Bu haqda prokuratura departamenti xabar bermoqda.

Bosh prokuratura huzuridagi departamentning Yangihayot tuman boʻlimi va DXX xodimlari hamkorligida tezkor tadbir oʻtkazildi.

Unda, fuqaro K.R. fuqaro Sh.A.ning ishonchiga kirib, unga goʻyoki yuqori lavozimlarda ishlovchi tanishlari yordamida Toshkent viloyati Oʻrta Chirchiq tumani “Evalak” MFY hududidan 40 000 AQSH dollari evaziga 15 sotix yer maydonini kadastr hujjatlarini rasmiylashtirib olib berishini aytib, oldindan 20 000 AQSH dollari va 6,4 mln soʻmni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar