Toshkent shahar sog‘liqni saqlash bosh boshqarmasiga yangi rahbar tayinlandi

Botirbek Isabekov poytaxt sog‘liqni saqlash bosh boshqarmasiga rahbar v.b. bo‘ldi.

Poytaxt sog‘liqni saqlash bosh boshqarmasiga Sog‘liqni saqlash vazirligining tegishli buyrug‘i bilan Botirbek Isabekov rahbar v.b. etib tayinlandi. Tayinlovgacha boshqarmaning rahbari o‘rinbosari lavozimida ishlardi.

Botirbek Isabekov 2001-yili Ikkinchi Toshkent davlat tibbiyot institutining bakalavriat, 2003-yili Birinchi Toshkent davlat tibbiyot institutining ordinatura bosqichlarini tamomlagan.

Mehnat faoliyati davomida Uchtepa tumanidagi 30-son oilaviy poliklinika hamda ushbu tuman tibbiyot birlashmasida bosh shifokor muovini, Toshkent shahar sog‘liqni saqlash bosh boshqarmasi boshlig‘i o‘rinbosari, boshlig‘i kabi mas’ul lavozimlarda ishlagan.

NOVA24 Instagramʼda. Obuna boʻling
Asosiy yangiliklar va qiziqarli videolar