Toshkent havosi deyarli me’yorgacha tozalandi
Poytaxt nihoyat dunyodagi eng yomon havo sifati reytingida yetakchilikdan tushib ketdi.
3-dekabr kuni Toshkentda havo deyarli me’yorgacha tozalandi va poytaxt nihoyat dunyodagi eng yomon havo sifati reytingida yetakchi o‘rinlardan pastga tushdi, deb xabar bermoqda O‘zgidromet matbuot xizmati.
Toshkent shahridagi atmosfera havosini avtomatik monitoring qilish stansiyalari ma’lumotlariga ko‘ra, soat 09:00 da RM10 mayda dispers zarrachalarining miqdori 125 mkg/m3 ni tashkil etdi, bu REMdan (300 mkg/m3) oshmadi. PM2,5 mayda dispers zarrachalar miqdori 70,2 mkg/m3 ni tashkil etib, 1,2 REM (60 mkg/m3) dan oshdi.
Ta’kidlash joizki, haroratning o‘zgarishi ham ko‘rsatkichlarning oshishiga yordam berdi. Haroratning keskin o‘zgarishi inversiya jarayonini keltirib chiqaradi, bunda atmosferadagi mayda dispers zarrachalar cho‘kadi va ularning ko‘rsatkichlari oshadi, — deyiladi xabarda.
Eslatib o‘tamiz, Saida Mirziyoyeva Toshkentda havo holati bo‘yicha maxsus komissiya yig‘ilishini o‘tkazgandi. Vaziyat rahbariyat nazorati ostida, kuzatuv va tahlillar olib borilmoqda, davlat tomonidan ifloslanish muammolarini bartaraf etishga qaratilgan choralar ko‘rilmoqda.
Prezident administratsiyasi yig‘ilishidan so‘ng darhol Qibray tumaniga borib, ekologik reydlarga shaxsan qo‘shildi. Mirziyoyeva tadbirkorlardan birini tanqid qilib, viloyat hokimiga belgilangan muddatlarni eslatdi.
Izohlar