Toshkent davlat agrar universitetida yirik yong‘in yuz berdi

Qibray tumanida joylashgan Toshkent davlat agrar universiteti hududida yirik yong‘in sodir bo‘ldi.

Toshkent viloyati Qibray tumanida joylashgan Toshkent davlat agrar universiteti hududidagi binoda 30-sentyabr kuni soat 20:10 da yong‘in sodir bo‘layotgani to‘g‘risida FVBga xabar kelib tushgan. Bu haqda FVV matbuot xizmati ma’lum qildi.

Shunga ko‘ra yong‘in-qutqaruv ekipajlari soat 20:17 da hodisa joyiga yetib borib, yong‘in soat 21:36 da qurshab olingan va soat 22:10 da batamom o‘chirilgan.

Hodisa oqibatida tan jarohati olgan va halok bo‘lganlar to‘g‘risida maʼlumot mavjud emas.

Yong‘inni bartaraf etish jarayonini Favqulodda vaziyatlar vaziri general-mayor A.X.Qo‘ldoshev bevosita joyidan boshqarib bordi.

NOVA24 Instagramʼda. Obuna boʻling
Asosiy yangiliklar va qiziqarli videolar