Toshkent aholisi eng ko‘p nimadan shikoyat qilishi ma’lum bo‘ldi

Xalq nazorati portali ma’lumotlari tahliliga ko‘ra, 17-maydan 23-maygacha Toshkent shahri aholisi 1 351 ta shikoyat yo‘llagan.

Aholi murojaatlari bilan ishlash bo‘yicha yaxshi ish Uchtepa tumanida kuzatilmoqda — 10 balldan 8,26 ball. Oxirgi o‘rinni 2,14 ball bilan Shayxontohur tumani egalladi.

Muddati o‘tgan murojaatlar bo‘yicha eng katta muammolar Chilonzor tumanida kuzatilmoqda — 722 ta murojaat. Bunda eng ko‘p shikoyatlar Obodonlashtirish bosh boshqarmasiga — 1 041 ta ariza, 621 tasi hal etilgan, Ekologiya boshqarmasiga — 972 ta ariza, 829 tasi hal etilgan va “Toshkent shahar elektr ta’minoti korxonasi”ga — 2 057 ta ariza, 1 924 tasi hal etilgan.

Jami 25 285 ta murojaat kelib tushgan bo‘lib, ularning 19 935 tasi hal etilgan, 58 tasi rad etilgan. Toshkentliklarning eng ko‘p uchraydigan muammosi uy-joy kommunal xo‘jaligi bo‘lib qolmoqda — 30,6 foiz, ammo bu sohadagi murojaatlar soni kamayib bormoqda. Keyingi o‘rinlarda yo‘llarning holati — 24,8 foiz, obodonlashtirish — 5,2 foiz va ekologik muammolar — 3,8 foiz.

Mavzuga doir: Markaz bo‘ylab ajratilgan joylar, “kesilgan doira” va avtoturargohlar: Toshkentdagi Shota Rustaveli ko‘chasi qanday rekonstruksiya qilinmoqda?