Toshkent aeroportida 20 yoshli qiz fohishalik uchun Dubayga yuborilayotgani aniqlandi

Toshkent viloyatida 20 yoshli qiz odam savdosi qurboni bo‘lishining oldi olindi.

Toshkent viloyati IIBB matbuot xizmatining xabar berishicha, o‘tkazilgan tezkor tadbirda Angren shahrida yashovchi yigit A.R. (2004-yilda tug‘ilgan) o‘ziga tanish bo‘lgan 20 yoshli qiz S.T.ni aldab, katta daromad topishga ishontirgani aniqlangan.

A.R. qizni Toshkent xalqaro aeroporti orqali Dubay shahriga fohishalik uchun jo‘natayotgan vaqtida daliliy ashyolar bilan ushlangan.

Ma’lumotga ko‘ra, yigit qizni jo‘natayotgani uchun Dubay shahrida yashovchi ayoldan 2 ming dollar olgan.

Hozirda ushlangan shaxsga nisbatan Jinoyat kodeksi 135-moddasi (Odam savdosi) bilan jinoyat ishi qo‘zg‘atilgan. Tergov harakatlari olib borilmoqda.

NOVA24 Telegramʼda. Obuna boʻling
Tezkor xabarlar va asosiy voqealar