Tik quyosh va chang bo‘ronlari: 21-iyul uchun ob-havo

21-iyul kuni O‘zbekistonda harorat 45 darajagacha ko‘tarilishi kutilmoqda. Ba’zi hududlarda kuchli shamol esib, chang-to‘zon ko‘tarilishi mumkin. Yog‘ingarchilik bo‘lmaydi, deb xabar bermoqda O‘zgidromet.

Toshkentda yog‘ingarchilik kutilmaydi. Sharqdan 3-8 m/s tezlikda shamol esadi. Harorat kechasi 24-26^°, kunduzi 39-41^° bo‘ladi.

Hududlarda ob-havo quyidagicha bo‘ladi:

• Qoraqalpog‘iston va Xorazmda yog‘ingarchilik kuzatilmaydi. Sharqiy shamol 7-12 m/s tezlikda, ayrim joylarda 13-18 m/s gacha kuchayishi, ba’zi hududlarda changsimon yer bo‘yi shamoli bilan. Harorat kechasi 22-27^°, kunduzi 35-40^° bo‘ladi.
• Buxoro va Navoiyda yog‘ingarchilik kutilmaydi. Shamol sharqdan 7-12 m/s tezlikda esadi, ba’zi joylarda 15-20 m/s gacha kuchayishi, ayrim joylarda chang-to‘zon bilan kuzatilishi mumkin. Harorat kechasi 24-29^°, kunduzi 38-43^° bo‘ladi.
• Toshkent, Samarqand, Jizzax va Sirdaryo viloyatlarida yog‘ingarchilik kutilmaydi. Sharqiy shamol 7-12 m/s tezlikda, ayrim joylarda 13-18 m/s gacha kuchayishi, ba’zi hududlarda changsimon yer bo‘yi shamoli bilan. Harorat kechasi 23-28^°, kunduzi 38-43^° bo‘ladi.
• Qashqadaryo va Surxondaryoda yog‘ingarchilik kutilmaydi. Sharqiy shamol 7-12 m/s tezlikda, ayrim joylarda 13-18 m/s gacha kuchayishi, ba’zi hududlarda changsimon yer bo‘yi shamoli bilan. Harorat kechasi 25-30^°, kunduzi 40-45^° bo‘ladi.
• Farg‘ona vodiysida ayrim joylarda o‘zgaruvchan bulutli, yog‘ingarchiliksiz. Sharqdan 5-10 m/s tezlikda shamol esadi. Harorat kechasi 23-28^°, kunduzi 36-41^° bo‘ladi.
• Tog‘ oldi va tog‘li hududlarda ba’zi joylarda o‘zgaruvchan bulutli, yog‘ingarchiliksiz bo‘ladi. Shamol sharqdan 7-12 m/s tezlikda esib, ayrim joylarda 13-18 m/s gacha kuchayishi mumkin. Harorat kechasi 19-24^°, kunduzi 30-35^° bo‘ladi.

Avvalroq O‘zbekistonda jazirama oldidan hosilni saqlab qolish haqida qayg‘urilgani haqida xabar berilgandi. Qishloq xo‘jaligi vazirligi ham fermerlarni jazirama issiqda ishlamaslikka chaqirdi.