Tadbirkor xotin-qizlarni qo‘llab-quvvatlash uchun 2 trillion so‘m ajratiladi
O‘quv kurslari ham yo‘lga qo‘yiladi.
O‘zbekistonda xotin-qizlarning tadbirkorlik loyihalarini qo‘llab-quvvatlash uchun 2 trln so‘m ajratiladi, deyiladi prezident qarorida.
2026-2027-yillarda Hamroh ayollar tadbirkorligini qo‘llab-quvvatlash kompaniyasi 6 ming nafar xotin-qizning tadbirkorlik loyihalarini qo‘llab-quvvatlash uchun 2 trillion so‘m ajratadi. Shuningdek, rasmiylar 2,8 ming nafar ayol va qizlar uchun biznes-kurslar tashkil etishni rejalashtirmoqda, yana 2 ming nafari hamkorlikda qo‘llab-quvvatlanadi.
Mahallalardagi Xotin-qizlar bandligini ta’minlash va salomatligini mustahkamlash markazlari uchun hokimliklar zaxirasidan 300 kv. metrgacha bo‘lgan yer uchastkalari doimiy foydalanish huquqi asosida, shuningdek, bo‘sh turgan davlat mulki obyektlari yoki ularning bir qismi operativ boshqaruv huquqi asosida ajratiladi.
Hokimliklar tomonidan tashkil etilgan markazlar tegishincha Qoraqalpog‘iston Respublikasi Oila va xotin-qizlar qo‘mitasi, viloyatlar va Toshkent shahar oila va xotin-qizlar boshqarmalari tomonidan tikuvchilik, qandolatchilik, fitnes, sheyping, xotin-qizlarni kasb-hunarga o‘qitish faoliyatini tashkil etish uchun ijaraga beriladi.
Avvalroq tadbirkorlar uchun xususiy va davlat xizmatlari birlashtirilgan markazlar tashkil etilishi haqida xabar berilgandi. Prezident eksportni ko‘paytirish chora-tadbirlari bilan tanishdi
Izohlar