Surxondaryoda yangi “Sangardak” sayyohlik markazi barpo etiladi
Hokimiyat hududda to‘rtta mehmonxona va o‘nta mehmon uyini joylashtirishni rejalashtirmoqda.
Surxondaryo viloyatida “Sangardak” turizm markazi, shuningdek, yangi turizm qishlog‘i paydo bo‘ladi, deb xabar bermoqda viloyat hokimligi matbuot xizmati.
Ma’lumotlarga ko‘ra, loyiha qiymati 913,3 mlrd so‘mni, yangi “Sangardak” markazi maydoni esa 615 gektarni tashkil etadi. Loyiha doirasida hokimiyat 21 ta restoran, kafe va bar, shuningdek, 296 ta savdo nuqtasi qurishni rejalashtirmoqda. Bundan tashqari, yangi turizm markazi hududida quyidagilar paydo bo‘ladi:
- 4 ta 3 yulduzli va 2 ta 5 yulduzli darajadagi mehmonxona;
- 10 ta mehmon uyi;
- sanatoriy va madaniy-dam olish markazi;
- 1,6 km uzunlikdagi dor yo‘li, ziplayn va piknik zonalari.
“Nilu” mahallasini turizm qishlog‘iga aylantirish rejalashtirilgan. Ayni paytda hududda simyog‘ochli yo‘lning tayanchlari va start maydonchasini betonlash ishlari yakunlandi.
Avvalroq O‘zbekistonda Kurshavelning analoglari paydo bo‘lishi mumkinligi haqida xabar berilgandi. Mamlakatda turizmning iqtisodiyotdagi ulushini oshirish strategiyasi ishlab chiqiladi.
Izohlar