Surxondaryoda tabib oldiga yordam so‘rab kelgan ayolga shilqimlik qildi

Surxondaryo viloyatida yordam so‘rab kelgan ayolga shilqimlik qilgan tabib 5 sutkaga qamaldi.

Surxondaryoda dardiga shifo izlab kelgan ayolga shilqimlik qilgan tabib 5 sutkaga qamaldi. Bu haqda “Millar” dasturida xabar berildi.

1991-yilda tug‘ilgan fuqaro o‘zining yashash xonadonida jabrlanuvchi ayolga nisbatan turli uyatli so‘zlarni aytib, shahvoniy shilqimlik qilishga uringan.

Jabrlanuvchi ayol ushbu holat yuzasidan tegishli organlarga murojaat qildi. 5-dekabr kuni ushbu holat jinoyat ishlari bo‘yicha Qumqo‘rg‘on tumani sudida ko‘rib chiqildi.

Huquqbuzar Ma’muriy javobgarlik to‘g‘risidagi kodeksning 41-1-moddasida (shahvoniy shilqimlik qilish) nazarda tutilgan huquqbuzarlikda aybdor deb topilib, unga nisbatan 5 sutka maʼmuriy qamoq jazosi tayinlandi.

NOVA24 Instagramʼda. Obuna boʻling
Asosiy yangiliklar va qiziqarli videolar