Surxondaryoda erkak oʻz onasini bolta bilan chopib oʻldirdi
Surxondaryoda erkak mast holatda onasi bilan janjallashib uni bolta bilan chopib tashladi.
Surxondaryo viloyatida erkak oʻz onasini bolta bilan chopib oʻldirdi. Bu haqda “Millar” dasturida xabar berildi.
Maʼlum qilinishicha, 1987-yilda tugʻilgan erkak onasidan spirtli ichimlik sotib olish uchun pul soʻragan, biroq ona unga rad javobini bergan. Natijada ona-bola oʻrtasida janjal kelib chiqqan.
Sud hujjatlarida keltirilishicha, janjaldan soʻng sudlanuvchi mast holatda onasini bolta bilan chopib tashlagan. Yelka qismidan ogʻir jarohat olgan ayol vafot etgan.
Mazkur holat yuzasidan sud ishi Jinoyat ishlari boʻyicha Denov tumani sudida koʻrib chiqildi. Sud hukmiga koʻra, sudlanuvchi Jinoyat kodeksining 97-moddasi (Qasddan odam oʻldirish) 2-qismi “v”, “j” bandlarida nazarda tutilgan jinoyatni sodir etganlikda aybdor deb topilib, unga nisbatan 18-yil muddatga ozodlikdan mahrum qilish jazosi tayinlandi.
Мавзуга оид хабарлар:
Alisher Usmonov ARD telekanaliga qarshi sudda yutib chiqdi Toshkentda davlat zaxirasidagi yerni 175 ming dollarga sotmoqchi bo‘lgan shaxs ushlandi Surxondaryoda boshqaruvni yoʻqotgan Lacetti gaz quvuriga borib urildi Surxondaryoda 13 yoshli haydovchining otasiga chora ko‘rildi Surxondaryodagi xonadonda qoʻlbola yogʻ ishlab chiqarish holati fosh etildi