Сурхондарёда ноқонуний равишда тош, қум қазиб олган фуқаро жаримага тортилди

Мазкур ҳолат оқибатида табиатга 2 миллион 550 минг сўм зарар етказгани маълум бўлди.

Сурхондарё вилоятида ноқонуний равишда тош, қум қазиб олган фуқаро жаримага тортилди. Бу ҳақда вилоят Экология бошқармаси ахборот хизмати хабар берди.

Унга кўра, Сурхондарё вилояти Экология бошқармаси, вилоят Миллий гвардия бошқармаси, «Хавфсиз дарё» ДУК ҳамда вилоят ЙПХ ходимларидан тузилган тезкор гуруҳ томонидан ўтказилган рейд тадбирлари давомида Денов тумани «Араб» маҳалласи ҳудудидан оқиб ўтувчи Қизилсув дарёси ўзанидан қум тош олаётганлиги аниқланди.

Ушбу ҳолатни содир этган фуқаро К.А.га нисбатан Маъмурий жавобгарлик тўғрисидаги кодексининг 70 прим 1-моддасининг 1-қисмига асосан маъмурий баённома расмийлаштирилиб, БҲМнинг 30 баробари миқдорида 10 миллион 200 минг сўм жаримага тортилди. Мазкур ҳолат оқибатида табиатга 2 миллион 550 минг сўм зарар етказгани маълум бўлди.

NOVA24 YouTubeʼda. Obuna boʻling
Asosiy yangiliklar va qiziqarli videolar