Sirdaryoda o‘qituvchi o‘quvchining qo‘liga igna sanchgani aytilmoqda

Hozirgi kunda qizchaning jarohati darajasini aniqlash uchun sud-tibbiy ekspertizasi tayinlangan.

Sirdaryo viloyatidagi maktabda bolaga nisbatan yana bir zo‘ravonlik holati sodir bo‘ldi.

Ijtimoiy tarmoqlarda 27-maktabning birinchi sinfida o‘qiyotgan qizning otasi murojaati paydo bo‘ldi. Uning xabar berishicha, Go‘zal ismli o‘qituvchi qizining qo‘llariga igna sanchib, hojatxonaga chiqishiga ruxsat bermay, sinf eshigini qulflab qo‘ygan.

Shu tariqa u qizga psixologik bosim o‘tkazgan. Otaning fikricha, bunga qo‘shimcha darslar uchun 50 ming so‘m to‘lashdan bosh tortgani sabab bo‘lgan.

Bolalar ombudsmani Surayyo Rahmonovaning ofisi vaziyat o‘rganilayotgani, tuman IIB tomonidan o‘qituvchining xatti-harakatlari yuzasidan tergovga qadar tekshiruv boshlangani haqida xabar berdi.

Qizning jarohati darajasini aniqlash uchun sud-tibbiy ekspertizasi tayinlangan.

NOVA24 Instagramʼda. Obuna boʻling
Asosiy yangiliklar va qiziqarli videolar