Shota Rustaveli ko‘chasida quruvchilar asfalt ostidan tramvay relslarini topdi
Demontaj loyihani qayta ko‘rib chiqishni talab qiladi va ish hajmini oshiradi, shuning uchun qurilish allaqachon kuchaytirilgan rejimga o‘tkazilgan.
Shota Rustaveli ko‘chasida yo‘l qurilishi kuchaytirilgan rejimga o‘tkaziladi, deb xabar bermoqda poytaxt hokimligi matbuot xizmati.
Hokimiyat ma’lumotlariga ko‘ra, BRT turidagi yangi yo‘lakni qurishda asfalt ostidan 2011 yilda demontaj qilingan tramvay relslari va yog‘och shpallar topilgan. Ushbu kashfiyot loyiha yechimlarini qayta ko‘rib chiqishni va ish hajmini oshirishni talab qildi.
Loyihani belgilangan muddatda yakunlashga ulgurish uchun qurilish brigadalari kuchaytirilgan jadvalga o‘tkazildi – ishlar kechayu kunduz davom etadi. Yuzaga kelgan noqulayliklar uchun fuqarolardan uzr so‘ralib, tushunganliklari uchun minnatdorchilik bildirildi.
Mavzuga doir: Markaz bo‘ylab ajratilgan joylar, “kesilgan doira” va avtoturargohlar: Toshkentdagi Shota Rustaveli ko‘chasi qanday rekonstruksiya qilinmoqda? Ishlar 1-iyundan boshlanadi, rasmiylar aholi o‘z tuzatishlarini kiritishi mumkinligiga ishontirdi.
Izohlar