Shavkat Mirziyoyev Xitoydagi suv toshqinlari munosabati bilan Si Szinpinga hamdardlik bildirdi
O‘zbekiston prezidenti vafot etganlarning oila a’zolari va yaqinlariga taskin-tasalli so‘zlarini yo‘lladi.
Shavkat Mirziyoyev XXR Raisi Si Szinpinga Pekin shahri va Xebey muzofotida yuz bergan kuchli suv toshqinlari oqibatida insonlar qurbon bo‘lgani, jabrlanganlar va vayronagarchiliklar munosabati bilan hamdardlik yo‘lladi.
Davlat rahbari halok bo‘lganlarning oila a’zolariga hamdardlik bildirib, jarohat olganlar tez fursatda sog‘ayib ketishini tiladi.
“Sinxua” agentligi ma’lumotlariga ko‘ra, toshqin qurbonlari soni 40 kishidan oshgan, to‘qqiz kishi bedarak yo‘qolgan. 23 iyuldan 29-iyulgacha davom etgan kuchli yomg‘irlar ayniqsa Miyun, Xuayjou, Yanszin va Pingu hududlariga ta’sir ko‘rsatdi.
Tabiiy ofat 80 mingdan ortiq aholini evakuatsiya qilishga majbur qildi, Xitoy hukumati oqibatlarni bartaraf etish uchun 200 million yuan ajratdi. Zarar ko‘rgan hududlarda favqulodda xizmatlar o‘z ishini davom ettirmoqda.
Izohlar