Shavkat Mirziyoyev 25-noyabr kuni “Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar to‘g‘risida”gi farmonni imzoladi.
Farmonga muvofiq, poytaxtda ekologik vaziyatni yaxshilash bo‘yicha kechiktirib bo‘lmaydigan chora-tadbirlarni amalga oshirish bo‘yicha maxsus komissiya tuzildi.
O‘zbekiston prezidenti administratsiyasi rahbari Saida Mirziyoyeva 24-noyabr kuni administratsiya rahbariyati va aloqador idoralar ishtirokida Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar yuzasidan yig‘ilish o‘tkazdi.
Prezident administratsiyasi rahbari tashabbusi bilan ekologik nazoratni kuchaytirish, ifloslantiruvchi obyektlar faoliyatini cheklash, qurilish talablarini kuchaytirish, shaharni keng ko‘lamda ko‘kalamzorlashtirish va havo sifati monitoringining zamonaviy tizimini yaratish bo‘yicha chora-tadbirlar belgilandi. Bu chora-tadbirlar tayyorlanayotgan prezident farmoni loyihasiga asos bo‘lishi aytilgandi.
