Shavkat Mirziyoyev 9-may kuni Moskvaga boradi

Shavkat Mirziyoyev 9-may kuni Moskvada Ikkinchi jahon urushidagi G‘alabaning 80 yilligi munosabati bilan o‘tkaziladigan yubiley tadbirlarida ishtirok etadi.

Shavkat Mirziyoyev 9-may kuni Moskva shahrida Ikkinchi jahon urushidagi G‘alabaning 80 yilligi munosabati bilan o‘tkaziladigan yubiley tadbirlarida ishtirok etadi. Buni O‘zbekiston prezidenti matbuot kotibi Sherzod Asadov “Gazeta.uz”ga tasdiqladi.

Bu masala O‘zbekiston yetakchisining Rossiya Federal majlisi federatsiya kengashi raisi Valentina Matviyenko bilan uchrashuvida ko‘rib chiqilgan, deydi u.

Shuningdek, O‘zbekiston prezidenti Parlamentlararo ittifoqning 150-assambleyasidagi nutqida G‘alabaning 80 yilligi munosabati bilan “Yevroosiyo” guruhining bayonotini qo‘llab-quvvatlagani qayd etildi.

Tadbirlarda Qozog‘iston prezidenti Qosim-Jomart Toqayev va Qirg‘iziston prezidenti Sadir Japarov ham ishtirok etishi kutilmoqda.

NOVA24 Telegramʼda. Obuna boʻling
Tezkor xabarlar va asosiy voqealar