12 Fevral 2024, 11:59 •Oʻzbekiston

Шавкат Мирзиёев ўғит таннархини 15 фоизга камайтириш вазифасини қўйди

Шунингдек, ўғит таннархни камайтириб, қишлоқ хўжалигини 900 минг тонна минерал ўғит билан таъминлаш белгиланди.

Шавкат Мирзиёев раислигида аграр соҳадаги устувор вазифалар ва режаларга бағишланган йиғилиш ўтказилмоқда.

Президент матбуот котибининг маълум қилишича, йиғилишда ер ва сув ресурслари чекланган шароитда қишлоқ хўжалиги масъуллари жорий йилда мутлақо янгича ишлаши зарурлиги қайд этилган.

Лекин таннархни камайтириш, юқори ҳосил берадиган уруғ ва кўчатларни етказиб бериш, саноат муҳитини олиб кириш бўйича айрим мутасаддилар ва ҳокимлар етарлича ишламаётгани танқид қилинди.

2024 йилда туманларга ҳосилдор уруғларни етказиб, деҳқонларни янги агротехнологияларга ўқитиб, пахта ва ғаллада ҳосилдорликни янада ошириш муҳимлиги кўрсатиб ўтилди.