Саудия Арабистонида Ҳаж вақтида 10 га яқин Ўзбекистон фуқароси вафот этди
Аввалроқ Саудия томони вафот этганларнинг умумий сони 1300 дан ошганини билдирганди.
Бир неча кун олдин Саудия Арабистони расмийлари 2024 йилги Ҳаж мавсумида 1300 дан ортиқ одам вафот этганини билдирганди. «Газетa.uz» манбаси зиёрат чоғида 10 га яқин Ўзбекистон фуқароси вафот этганини маълум қилди.
Ҳозирча улар айнан қандай сабаб билан вафот этгани аниқ эмас. Аввалроқ Saudi Press Agency (SPA) мамлакат соғлиқни сақлаш вазирига таяниб, вафот этаётганларнинг кўпчилиги тўғридан-тўғри қуёш нури остида узоқ масофаларни бошпана ва қулайликсиз пиёда босиб ўтганини маълум қилганди.
Шунингдек, ҳалок бўлганлар орасида бир неча кексалар ва сурункали касалликларга чалинганлар бор. Бу йил Ҳаж зиёрати 14−19 июнь кунлари бўлиб ўтди. Расмий маълумотларга кўра, унда 1,8 миллионга яқин зиёратчи иштирок этган бўлса, шундан 1,6 миллиондан ортиғи хориждан келган.
Ҳаж кунларида жазирама иссиқ кузатилди. Шу тариқа, 17 июнь куни Макка шаҳридаги Масжиди Аъзамда ҳаво ҳарорати Цельсий бўйича 51,8 даражага етди. Расмий ҳужжатлари бўлмаган зиёратчилар Ҳаж йўналиши бўйлаб кондиционер ўрнатилган иншоотларга кира олмади.
Мавзуга оид хабарлар:
Саудия Арабистони хайрия маркази Ўзбекистонга 25 тонна хурмо ҳадя қилди ДХХ Ҳаж зиёратига ноқонуний юборишни ваъда қилган шахсларни қўлга олди Ўзбекистон ва Саудия Арабистони ўртасида сиёсий маслаҳатлашувлар ташкил этилади Тошкент ва Қўқонда Ҳажга юбориш билан боғлиқ ноқонуний ҳолатлар аниқланди Оролбўйида жойлашган аҳоли пунктларига Саудия Арабистони ёрдами жалб этилади