Samarqanddagi xonadonda gaz portlagani yuzasidan jinoyat ishi qo‘zg‘atildi
Bosh prokuratura Qo‘shrabotdagi portlash yuzasidan gaz ta’minoti bo‘limi mansabdorlariga nisbatan jinoyat ishi qo‘zg‘atilganini ma’lum qildi.
Samarqand viloyati Qo‘shrabot tumanida gaz portlashi oqibatida er-xotin va ularning o‘g‘li hamda qizi vafot etgandi. Bosh prokuratura matbuot xizmati holat yuzasidan jinoyat ishi qo‘zg‘atilganini ma’lum qildi.
Hodisa 22-oktabr kuni soat 6:30 lar atrofida tuman markazidagi Mustaqillik mahallasida, ikki qavatli uyning 2-qavatidagi xonadonlardan birida sodir bo‘lgan. Portlashga xonadonda gaz to‘planib qolishi va xonadon egasi buni bilmagan holda chiroqni yoqishi sabab bo‘lgan.
Qo‘shnilardan biri tongda kuchli portlash ovozini eshitganini, tashqariga chiqib, kuchli yong‘in bo‘layotganini ko‘rganini ma’lum qildi. Unga ko‘ra, hech qanday yordam berishning imkoni bo‘lmagan.
BP matbuot kotibi Hayot Shamsutdinov holat yuzasidan tuman gaz ta’minoti bo‘limi mansabdor shaxslariga nisbatan Jinoyat kodeksining 207 (Mansabga sovuqqonlik bilan qarash) va 259 (Yong‘in xavfsizligi qoidalarini buzish) moddalari bilan jinoyat ishi qo‘zg‘atilganini ma’lum qildi.
Hozirda tergov harakatlari olib borilmoqda.
Мавзуга оид хабарлар:
Samarqanddagi xonadonda gaz portlashi oqibatida bir oilaning 4 aʼzosi halok boʻldi Qashqadaryoda avtokredit mablagʻini oʻzlashtirganlar ushlandi Ikki viloyatda 1 mlrd so‘mdan ortiq “svet”dan noqonuniy foydalanganlar ushlandi Toshkentga olib kelinayotgan 1,5 tonna sifatsiz go‘sht to‘xtatib qolindi Samarqandda 1 tup daraxt kesgan shaxs 71 mln soʻm jarimaga tortildi