Samarqandda yo‘lovchi avtobusi YTHga uchradi

Ma’lumotlarga ko‘ra, bir kishi vafot etgan, jabrlanganlar ham bo‘lishi mumkin.

Samarqand viloyati Jomboy tumani hududida yo‘lovchi avtobusi YTHga uchragan. Kun.uz’ga ko‘ra, bir kishi vafot etgan, jabrlanganlar ham bo‘lishi mumkin.

Hodisaga avtobus haydovchisi sirpanchiq yo‘lda boshqaruvni yo‘qotgani sabab bo‘lgani taxmin qilinmoqda. YTH natijasida yo‘lda tirbandlik vujudga kelgan.

Ichki ishlar vazirligi YHXXning ma’lum qilishicha, holat yuzasidan Samarqand viloyati IIB huzuridagi Tergov boshqarmasi tomonidan tergovoldi surishtiruv harakatlari olib borilmoqda.

“Tergovning yakuniy xulosasiga ko‘ra jamoatchilikka qo‘shimcha ma’lumot beriladi”, deyiladi rasmiy axborotda.

IIV mas’uli jabrlanganlar yoki qurbonlar haqida ma’lumot bermadi.

NOVA24 TikTokʼda. Obuna boʻling
Asosiy yangiliklar va qiziqarli videolar