Samarqandda sodir bo‘lgan YTHda ikki kishi halok bo‘ldi

Samarqand viloyatida “Jiguli” yo‘l-transport hodisasiga uchrashi oqibatida haydovchi va bir nafar yo‘lovchi vafot etdi.

Samarqand viloyatining Payariq tumanida 15-yanvar kuni YTH sodir bo‘ldi. Bu haqda viloyat IIB YHXB axborot xizmati xabar berdi.

Ma’lum qilinishicha, Payariq tumanidagi ichki yo‘llarning birida harakatlanayotgan “Jiguli” mashinasi haydovchisi boshqaruvni yo‘qotgan.

Hodisa oqibatida haydovchi va mashina yo‘lovchisi og‘ir tan jarohatlari olib, halok bo‘lgan.

Hodisa sodir bo‘lgan mahallada viloyat IIB YHXB boshlig‘i ishtirokida muhokama yig‘ilishi o‘tkazilgan.

NOVA24 YouTubeʼda. Obuna boʻling
Asosiy yangiliklar va qiziqarli videolar