Samarqandda 19 yoshli qiz tanishini kaltakladi

Hozirda holat yuzasidan tergovga qadar tekshiruv harakatlari olib borilmoqda.

Ijtimoiy tarmoqlarda bir qiz boshqasini ayovsiz kaltaklagani aks etgan videolar tarqaldi. Holat yuzasidan Samarqand viloyati IIB axborot xizmati munosabat bildirdi.

Maʼlum qilinishicha, voqea joriy yilning 13-dekabr kuni Kattaqoʻrgʻon tumani Payshanba shaharchasida joylashgan istirohat bogʻida sodir boʻlgan. Aniqlanishicha, oʻsha kuni 19 yoshli A.R. oʻziga oldindan tanish boʻlgan 16 yashar K.U. bilan oʻzaro tortishib qolib, janjallashgan.

Janjal oqibatida K.U.ga tan jarohati yetgan.

Viloyat IIBning maʼlum qilishicha, hozirda mazkur holat yuzasidan Kattaqoʻrgʻon tumani IIB tomonidan tergovga qadar tekshiruv harakatlari olib borilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar