Samarqandda 1 tup daraxt kesgan shaxs 71 mln soʻm jarimaga tortildi

Toyloq tumanida 1 tup daraxt kesgan shaxs 71 mln soʻm jarima toʻlaydigan boʻldi.

Samarqand viloyati Toyloq tumanida fuqaro daraxt kesishi oqibatida tabiatga 71 250 000 soʻmdan ortiq zarar keltirdi.

Qayd etilishicha, ushbu holat Toyloq tumani Ekologiya, atrof-muhitni muhofaza qilish va iqlim oʻzgarishi inspeksiyasi davlat inspektorlari tomonidan aniqlangan.

Davlat inspektorlari tomonidan olib borilgan oʻrganishlar natijasida tumanning Xoʻjayuz MFY hududidagi tegishli ruxsatlarsiz sogʻlom, koʻkarib turgan 1 tup tut daraxtini shu atrofda yashovchi fuqaro U.Z. tomonidan kesishib tashlanganligi maʼlum boʻldi.

Shu bois qonunbuzarga Oʻzbekiston Respublikasi Maʼmuriy javobgarlik toʻgʻrisidagi kodeksning 79-moddasi 1-qismiga muvofiq jarima hamda tabiatga yetkazilgan zarari uchun 71 250 000 soʻm qoʻllanildi.

NOVA24 Telegramʼda. Obuna boʻling
Tezkor xabarlar va asosiy voqealar