Samarqand viloyati hokimi Erkinjon Turdimov sog‘lig‘i sabab ishdan ketayotgani aytildi

Uning o‘rniga Hisob palata raisi Adiz Boboyev tayinlanishi kutilmoqda.

Samarqand viloyati hokimi Erkinjon Turdimov sog‘lig‘i sabab lavozimini tark etishi mumkin. Bu haqda hukumatdagi manbasiga tayanib, “Daryo” xabar berdi.

Qayd etilishicha, tahririyat jurnalisti qo‘shimcha ma’lumot olish uchun Samarqand viloyati hokimligi axborot xizmati bilan bog‘langan.

Turdimovning matbuot kotibi Manuchehr Mirzayevning ma’lumot berishicha, bugun viloyat hokimligida odatiy, navbatdagi sessiya bor.

Lekin Telegram’da tarqalayotgan xabar bo‘yicha bilmadim. Hozircha bu haqda gap yo‘q, degan Manuchehr Mirzayev.

Telegram’dagi “Generalissimus” kanalida ma’lum qilinishicha, Turdimovning o‘rniga Hisob palata raisi Adiz Boboyev tayinlanishi kutilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar