Samarqand arxitektura-qurilish instituti hududida yongʻin yuz berdi
Hozirda holat yuzasidan tergovga qadar tekshirish ishlari olib borilib, yongʻinning kelib chiqish sababi aniqlanmoqda.
Samarqand Davlat Arxitektura-qurilish instituti hududida yongʻin yuz berdi. Viloyat FVB hodisa yuzasidan maʼlumot berdi.
Bildirilishicha, kecha, 1-oktyabr kuni soat 23:45 da Samarqand shahar Lolazor koʻchasida joylashgan Samarqand Davlat Arxitektura-qurilish instituti hududida yangidan qurilayotgan (qurilishi tugallanmagan) faollar zalida yongʻin sodir boʻlganligi toʻgʻrisida viloyat FVB ga xabar berilgan.
Shunga koʻra, hodisa joyiga 6 ta yongʻin qutqaruv ekipajlari jalb qilingan. Guruh voqea joyiga soat 23:54 da yetib borib, soat 00:30 da yongʻinni toʻliq bartaraf etgan.
Qayd etilishicha, yongʻin oqibatida eski qurilish mahsulotlari yonib zararlangan. Hodisa tufayli jabrlangan va halok boʻlganlar yoʻq.
Hozirda tergovga qadar tekshirish ishlari olib borilib, yongʻinning kelib chiqish sababi aniqlanmoqda, deyiladi xabarda.
Мавзуга оид хабарлар:
Samarqandda fuqaroni Qozogʻistondagi OTMga oʻqishga kiritib qoʻyishini aytgan shaxs ushlandi Samarqandda KamAZ va 7 ta mashina ishtirokida YTH sodir boʻldi Xorazmdagi uylarning birida yong‘in sodir bo‘ldi Tel-Aviv – Samarqand – Toshkent aviaqatnovi majburiy kechiktirildi Oʻzbekistonga pnevmatik qurol olib oʻtayotgan shaxs ushlandi